نظراً لأن الموضوع دة حساس قوي

ونظراً لأنه كان أساسي ومهم جدا

ونظراً لأنه كان مبني عليه معظم الكلام اللي بكتبه تابع »

صوّت من أجل غزة

http://www.israel-vs-palestine.com/gz/ تابع »

مشكلة جديدة .. لما تتعارض أفكارك مع أفكار اللي ليهم كلمة عليك

ومعلش قرفتكم معايا

وصلني إن الناس كانو متضايقين جدا من التدوينة اللي فاتت علشان الإسلوب اللي فيها والألفاظ

ولأني ديموقراطي فقد إستسلمت لرغبات الجماهير ومسحت التدوينة

وإهداء خاص لحبيبي أحمد صلاح اللي بيحبني ويهمه أمري ونصحني إني أمسح التدوينة دي

وأحب أقول للناس أنا آسف إن فلتان أعصابي خرج ليكم ودة مكنش ينبغي إنه يحصل

وأتمنى تتقبلو إعتذاري وأشوفكم على طول بخير بإذن الله

آل إيه .. ومع أول يوم رمضان

أبويا بيصحيني على خبر حلو قوي

قالي : إنت إترفدت من الشغل

تابع »

زي الأيام دي

أنا فاكر كنا بنتقابل ونقول ونعيد

كنا بنتكلم عن بكرة وكأنه العيد

دلوقتي خلاص

لو حتى بنتقابل صدفة بنبص بعيد

موتنا حاجات عاشت فينا وياريت ناسيين

بنموت وبنضحك على روحنا ونقول عايشين

يظهر هنعيش اللي باقيلنا على حس يومين

لو كنت نسيتني

أنا فاكرك لسة ومش عارف إزاي هنساك

واللي مطمني

قلبي بيحلفلي إنك ليا ومحتاجلي معاك

وبجد كتير

بقى بعد ما عشت معاك عمري أحلم بلقاك

موتنا حاجات عاشت فينا وياريت ناسيين

بنموت وبنضحك على روحنا ونقول عايشين

يظهر هنعيش اللي باقيلنا على حس يومين

أغنية زي الأيام دي لحسام حبيب

مخلتش حاجة تتعمل معملتهاش

عشان أقدر أنساها ولسة مبنسهاش

لقيت كل حاجة ممنهاش

ولا قادر أتجرأ وأقول مبحبهاش

وبحاول بس مفيش فايدة

كل دة وأنا لسة مش ناسي

لا أنا عارف أخونها مع واحدة

ولا عارف أخونها بإحساسي

حاولت أشغل حياتي بحد

لقيتني بنشغل بيها

لقيت قلبي في وقت الجد

بيهرب منها ليها

وبحاول بس مفيش فايدة

كل دة وأنا لسة مش ناسي

لا أنا عارف أخونها مع واحدة

ولا عارف أخونها بإحساسي

أغنية مخلتش حاجة لهيثم شاكر

أنا كنت ناوي أقفل المدونة علشان كسلت إني أمسح شوية بيانات كدة بسيطة

البيانات دي هي ان قصة الحب اللي كنت عايشها إنتهت

أنا لسة بحبها .. بس للأسف مش هينفع أتجوزها

والمشكلة الحالية إني معدش ليا هدف ممكن أكمل علشانه وأصبح إني سيبت الشغل ومش عارف إذا كنت هعرف أعمل حاجة تاني في حياتي ولا لا

دة التعديل البسيط

أنا بجد آسف جدا لكل واحد دخل مدونتي واهتم بما فيها وحاول يدخل عليها مؤخرا ولقاها مش شغالة

بس والله يا جماعة غصب عني لأن السيرفر كان ساقط لأسباب خارجة عن ارادتي

والله يجازي اللي كان السبب

يااااااااااااااااااه الواحد نسي شكل المدونة من كتر ماهو مش بيدخلها

إدعولي

يا ترى لو واحد مش طبيعي .. ينفع يحب ويتحب ؟؟

جعفر دة الي هو انا

yakuzahits@yahoo.com

الحمد لله أنا إنهاردة أحسن
هديت شوية وإبتديت أفكر وأشوف هعمل إيه في حياتي
بداية غير موفقة بالمرة في الشغلانة الجديدة ولحد دلوقتي داخل في 3000 جنيه خسارة
مع العلم أصلا إن مرتبي 450 كتكوت ولسة مقبضتش لأن دة أول شهر
صباح الكنافة بجد تابع »

هلا هلا هلا بالحبايب
أخيرا تم نقل السيرفر بعد مشاكل كتيرة كانت على السيرفر الأولاني والحمد لله رجع الموقع من جديد
طبعا طارت كل حاجة من على القديم وإضطريت إني أنقل المواضيع من تاني زي المرة اللي فاتت وأخدتهم كوبي وباست على طول
وعموما دة مش هيضر قوي
طبعا حصلت حاجات كتيييييييييييرة في الفترة الطويلة اللي فاتت دي
يعني مثلا أنا حاليا مندوب لموبينيل لسة متعين جديد
شغلانة لذيذة بس متعبة جدا ومرتبها مش قد كدة
بس الفكرة كلها في إنها شغل وكمان في جهة كويسة
مش حكومي آه .. بس بردو موبينيل يعني لها إسمها في مصر
عموما ومع دخول الدراسة زادت الضغوط ومع رمضان زادت أكتر ومع الشغل كدة أنا خلاص بموت
إن شاء الله نستخلص وقت من وسط دة كله ونحاول نرجع للذهن صفائه ونكتب من جديد
دعوات بقى يا جماعة

يا جماعة ..
أنا جمعتكم إنهارة علشان ….
مش عارف أقوللكم أي حاجة خالص ..
إيه الهبل اللي بقولو دة ..
ياللا مش مهم
المهم بقى إني كنت قاعد مع نفسي شوية وحضرني موقف جامد قوي .. آل إيه فكرت أعمل مدونة تابع »

معلش يا جماعة البلوج واقف دلوقتي بسبب شوية مشاكل كدة ولكنإن شاء الله هيرجع قريب
دعواتكم معانا بس