لكي يستمر الحب .. 1
فيه ناس بتواجه مشاكل في الحب
وأساسا محدش بيحب مش بيواجه مشاكل 
اللي عاوز أقوله
إن المشاكل دي في الغالب معظمها بسبب عدم الفهم الحقيقي لمعنى الحب
يعني مثلا اللي بيفكر في الحب بيفكر دايما من جانب واحد
الرومانسية المطلقة والسعادة المطلقة
وبالتالي مش متخيل إن الحياة الواقعية بتخلي الرومانسية والسعادة مش متوفرين طول الوقت
مش معنى كدة ان الحب بيروح
بس أقصد إن الحياة العملية بتقلل من روقان البال اللي بيخلينا فاضيين للرومانسية
ومن ثم اللي متخيل إن طول ما فيه حب يبقى لازم يبقى فيه رومانسية طول الوقت أكيد غلطان
ودة سبب رئيسي لفشل جوازات عن حب كبير لدرجة ان الحب اتشوه كله بسبب النقطة دي
وأصبح الناس معتقدة إن كل اللي بيحبو بيفشلو
وبالتالي لازم نصلح المفهوم دة عند الحبيبة
مش معنى الحب إن مفيش مشاكل والحياة سعادة على طول الخط
ومش معنى المشاكل إن الحب إنتهى
بس لازم نعرف إزاي نوفق بين الحياة الرومانسية والحياة العملية الواقعية
ولما المفهوم دة يتصلح عند الناس ساعتها هنقدر نغير فكرة إن جواز الحب بيفشل
بسم الله
———
تصدق و تؤمن بمييين انا مش فاهم اي حاجه خالص يعني الكلام حلو بس مش لاقي انك جبت التايهه كل الناس عارفه كده فين الحل اللي سعادتك بتقترحه ؟؟؟؟
غير كده حلو جميل قشطه الى الامام يا ابني
يا حبيبي انا لو جبت التايهة زي ما انت بتقول مكناش سمعنا عن المشاكل اللي بين اللي اتجوزو عن حب بالشكل دة
لو هما فعلا عارفين الكلام دة مكنش حصلت بينهم كل المشاكل دي
يابو جهل
المشاكل بتحصل بين اللى متجوزين عن حب لان قبل الزواج بتكون احلامهم رومانسيه (خياليه) وبعد الجواز بينصدمو بالواقع, فى مصطلح جديد اكتشفته وهو (الرومواقعيه) يعنى لازم تبقى واقعى ورومانسى فى نفس الوقت
كلام جميل وإضافة رائعة يا هبة