شغل حكومة
إشتغلت في الحكومة
شوفتو الوكسة
وأنا اللي طول حياتي كنت ضد الشغل في الحكومة
بس المضطر يركب التوكتوك
وأنا ركبت حتة تكوتوك .. ملوش حل
ركبت التوكتوك ودخلت منطقة قذرة
شوفت العجب .. ولبست خوازيق لما شبعت
أنا مش بحب التشاؤم أو التطير .. لكن فعلا نسبة كبيرة قوي من الموظفين بتوع الحكومة فاسدين .. إتعدو من النظام
من أول ما جيت المكتب اللي أنا فيه وانا عمال أدخل في حوارات مليش أي علاقة بيها
وإتعلمت شوية حاجات هلخصها في الآتي
ليه المؤسسات الحكومية فاسدة
هناك قلة فاسدة .. لأن الأصل فينا إننا كويسين
تلك القلة الفاسدة لها السلطة .. وبالتالي الهبر كله
وللأسف باقي الموظفين بيكونو من ضعاف النفوس
يا إما بيتبعوهم .. أو مش بيقدرو عليهم وبيسيبوهم
والتالي تعيش المؤسسة كلها في فساد عارم
وللأسف كل ما أحكي لحد على اللي أنا بعاني منه في الشغل .. ألاقي إني أهونهم في المشاكل لأن مكان شغلي أكثر إحتراما منهم
وأكيد حد هيسأل تاني دلوقتي طيب ايه اللي جابرك
دة بقى موضوع شخصي بعضكم يعرفو واللي مش عارف يبقى يكلمني عالخاص وأنا أقولو
والآن .. سلاحف
انا كمان مش بحب الشغل بتاع الحكومه بس مجبوره اروح ليهم مؤقتا لحد ما اقدر اقلبهم فى اسرع وقت واعمل شغلى الكبير باذن الله بس نصيحه منى يا مصطفى الدنيا مش دايمه على حال اوعى ترضى بالغلط بس اوعى تحشر نفسك فى الى مش ليك فيه لانه من الاخر هتلبس فى احلى حيطة طيب الزاى وبقولك مترضاش بالغلط الى يجى عندك خليك اسد وكله واوعى تسمح للقرود يلعبوا فى حجرك …..الا اذا كنت اسد خرع تخاف من القرود ساعتها مالكش نصيحه عندى
الحمد لله ربنا أكرمني وسيبت المكان اللي كنت فيه خالص
أينعم كان مكان إسمه حلو (سكرتير نائب رئيس الجامعة) بس كان آخر تعب وقرف وفرهدة .. والمشكلة ان مكنش فيه عائد مادي يهون عليا
أنا قصة أرضى بالغلط .. فالحمد لله دة مش من مبادئي .. إلا لو كان مبدأي نفسه اللي فيه المشكلة