معدتش تفرق .. يا ترى فعلا ؟؟
من أسوأ الحاجات اللي بيعيشها الإنسان .. الحيرة
وأقصد بالحيرة اللحظات اللي الإنسان بيبقى واقف على مفترق الطرق ومش عارف يدخل في أنهو طريق
والسبب في دة إن كل الطرق تتشابه .. وهنا تحصل الربكة والحيرة في الإختيار
ولو مكنتش عارف إنت عاوز إيه بالظبط وقتها هيحصلك حاجة من إتنين
يا إما هتفضل واقف مكانك لحد ما تموت متعملش أي حاجة في حياتك
يا إما هتدخل في أي طريق وخلاص ومعدتش تفرق
بس يا ترى هي فعلا معدتش تفرق ؟؟
شكلك كده و الله اعلم بتتكلم عن الحب طالما انك مارغتش كتير المرة دي……
انا هقولك يا بني اللي علمتهولي الايام و السنين الطويلة………
لما بتحتاج لحد بيبقي كل هدفك انك توصله باي طريقة. و لو وصلتله بعد محاولاتك انت هيكون من المستحيل انه يحبك قد ما انت بتحبه.
اما لو حد حبك و محاولاته اثرت فيك و حبيته……عمرك ما هتحبه زي ماهو حبك….
و عشان كده اجدادنا قالوا في امثالهم الشعبية القديمة……(ساعات بنحب حد مابيحبناش و لو حبنا نحب حد غيره مابيحبناش) سلاحف رع عن بردية الدير البحري لحتشبسوت .
الخلاصة اننا بنحب اللي محتاجينله اكتر من اللي محتاجلنا.
ابو حنفي,
بص يا مصطفى انت لسة موصلتش قدام الطرق الى بتتكلم عنها لانك بالفعل لسة مقررتش انت هتعمل ايه .. وبعدين فى حاجة انت مش واخد بالك منها .. الى بيبص من برا المسرح على المسرحية بيشوف حاجات ممكن ميكونش الممثلين نفسهم مش شايفينها …
وادعيلك بالتوفيق يا مصطفى وربنا يرزقك ببنت الحلال يااااااااارب
انا مش فاكر شوفت المثل ده فين .. بس اعتقد انى قرييته ف برديه تيفا حور رع نيوز اللى لقوها مدفونة جمب هرم ميدوم و كان مكتوب فيها
احيانا نحب نتحب من حد بنحبه مابيحبناش ولما يحبنا نحب حد غيره مابيحبناش
و صحيح اول مرة ماترغيش يا مصطفى .. ومن الحب ماقتل
يا باشا زى ما كنا بنقول النهاردة، والله كل الحلول موجودة فى الحاجة اللى قلتهالك لما اتكلمنا عن موضوع الأغانى والألحان..فاكر الحاجة دى؟؟؟
ربنا يكرمك ويوفقك ويسعدك يا رب.
لا اكيد بتفرق ما ينفعش تقول ما عدتش تفرق دي
بس المشكلة فعلا لما تكون محتار ادام كذا طريق بس مش شبة بعض خالص كلهم عكس بعض وكل واحد فيهم هيبقي بيحدد مصير اسوا من اللي قبلة
وتكون حياتك كلها في طريق منهم مش عارف تدخلة ومش عارف تحلها
تعمل ايه ساعتها؟
الحالة اللي إتكلمت عنها يا مشمش أوضح من اللي أنا عرضتها وأسهل لأن الخيارات واضحة شوية
كل حاجة فى الدنيا بتفرق لازم تحدد قرار فى حياتك وتتحمل نتيجته
فعلا حاجه محيرة والى اصعب منه عندما تكتشف انك كنت عيش فى وهم والحيرة مش شرط الحب ممكن فى اتخاذ قرار وانت بس الى لازم تخده
[...] http://www.yakyblog.com/?p=44 [...]