حنين
أوقات كتير قوي تكون قاعد في وسط ناس ومع ذلك حاسس بوحدة وحنين وشوق كبير لحد بعينه .. ورغم وجود كل الناس دي إلا إنك محتاج حد بعينه
وأكيد أنا في اللحظة دي كنت مشتاق قوي لخطيبتي ونفسي أشوفها قوي .. روحت مطلع الموبيل وقعدت أكتب الكلمات دي
حنين
أنين خافت همس
تسلل بطرقات قلبي
حزينة أنت يا نفسي
على ما فات في دربي
هل فاد الحزن من أمس
ليوم طال على الأرض
حنين وشوق للمس
حبيب غائب عني
ترى ينتهي الدرس
عن الغياب عن الشوق
ترقى اللقاء بالمرسى
أم فوق سفينة الحب
فتاتي يا أجمل الإنس
أحبك حب أبدي
لأجلك نسيت الشمس
وركضت إليك يا قمري
بغيرك لا أكترث
ولعينك أذوب لقدمي
أحبك يا أطهر نفس
وحتى ينقضي أجلي
كلام جامد جدااااااااااااااااااااااااااااا
يا بختك انك لما اشتاقت لحد قدرت تكتب له كلام وتبعتهوله وانت عارف انه هيوصله وهيقراه ويحبك اكتر بسببه بس ممكن اعرف كنت هتحس بايه لو بردو اشتاقت لنفس الحد لكن عارف انك مستحيل هتقدر تبعت له حاجة او انه يحس بشوقك ده او حتى احساسك يوصله؟ ربنا ما يكتب عليك ولا على اى حد الاحساس ده .
ايه يا عم عصام
انت بتنق عليا ولا ايه ؟
وعموما يا سيدي
الإحساس اللي انت بتكلم عنه أنا حسيته قبل كدة
وعارف حجم المعاناة عامل ازاي
ربنا يعينك ويصبرك
وخد نصيحتي .. بلاش دلوقتي وأجل شوية
عارف إن الإحساس مش بإيدك
لكن هقولك .. دوس على قلبك
تجاهله .. نفضله .. متديولش حجم من حياتك
مش هقدر أفسرلك دلوقتي ليه بقول كدة
ويمكن لو حتى قولت انت مش هتقتنع .. زي ما انت عملت لما اتقالي الكلام دة
بس مش هقدر أقولك أكتر من كدة
حاول تبعد .. علشام متنجرحش
لا والله ابدا مقصدش انا بس كنت عاوز اسمع رايك مش اكتر بس انت مفهمتنيش وصدقنى والله الموضوع لو كان زى مانت فهمته حب وجرح وكدة كلامك كان هينفعنى جدا بس الحكاية غير كدة خالص و ع العموم شكرا انك حاولت تساعدنى و بجد انت زى اخويا الكبير .
طيب ما تحاول تفهمني يا عصوم
أو استنى لما أقولك اللي انا فهمته يمكن انت متكونش فهمت اللي انا فهمته
أنا فهمت إنك بتحب حب من طرف واحد .. ونصيحتي ليك كانت انك تسيب الموضوع كله
أظن كدة كلامي اوضح في حالة لو مكنتش انت اللي فاهم
صدقنى والله فهمتك من اول مرة بس الحكاية مش كدة وقولت لك لو كانت كدة كنت عملت بكلامك انا مش غاوى تعب يعنى انا اصلا فيا الى مكفينى بس انا كنت اقصد انه فعلا حب من طرف واحد بس مش عشان الطرف التانى مبيحبنيش لكن عشان الطرف التانى معدش موجود اصلا عشان كدة سالتك اول مرة هتحس بايه لو حسيت احساس الحنين ده بس وانت عارف انه هيفضل مجرد احساس ومش هتقدر توصل حنينك ده للى بتحبه او حتى تعرف رد فعله على كلامك ده انا عارف يا مصطفى انك بتحاول تساعدنى وبتحاول تساعد اى حد بيشارك معاك بس صدقنى فى حاجات كتير مش بينفع فيها المساعدة ويارب يسعدك ويفضل حب بين طرفين لاخر العمر.
إممممممممم
أنا خفت يكون الموضوع كدة
أنا آسف يا عصام
وصلني إحساسك
ربنا يعينك
تعرف انت احساس انسان لما تكون بتحبه اوووي بس انت متأكد انك مش ليه ولا هوا ليك مش دي تجرح اووووي؟
والله يا سوما مش عارف أرد عليكي بإيه
أكيد إحساس صعب .. مظنش إنك لوحدك حسيتيه .. بيتهيألي فيه ناس كتيرة قوي بتحس بيه
صبري نفسك بإنك مش لوحدك .. ساعات المساواة في الظلم عدل
يا سعدها يا هناها اللي بتحبها
أنا بضم صوتي لعصام
لو فيه حد هو بيحبك قوي وانت بتحبه بس درجة تانية لأنك بتحب اللي أقل منة أكتر ومخليه درجة أولى
تفتكر شعوره هيكون أيه
زي شعور وحيد القرن وهو في موسم التزاوج ومش لاقي نتاية
هههههههههههههههههههههه
شكرا يادرش
طبعا انت مش فاهم أنا أقصد مين
مسكين
أنا بتكلم عن الدين بتاعنا
لو الناس تهتم بيه وتحبه زي حب البشر لبعض
مش مطلوب إنك تحبه أكتر
لو ده حصل كان ممكن يبقى ده حالنا
أو كنا سكتنا ع اللي حصل مع كاميليا شحاته وقبلها وفاء وماريان وغيرهن……وهلم جر
ادعيلي يامصطفى
السفر طول قوي والغربة وحشة جدا
والسلام ختام
ولا يا أحمد
حمرا ياض
انا مش هعرف اتفاهم معاك هنا
سيب كومنتاتك هنا براحتك بس تفاهمنا مع بعضنا وجها لوجه او عالموبيل
ولما ترجع من سويسرا بالسلامة هطلع (تييييييييييييت)ك
اصعب احساس انك فعلا تشتاق لحد وانت عارف انك ممكن تكتب له كل كلمه جواك بس فى نفس الوقت متاكد انه مش هيرد عليك
لانه مش قادر يسامحك
ادعى لى يا مصطفى ان ال بحبه وبيحبنى يسلامحنى
وبجد كلامك كله مؤثر جدااااااااااااااااااا
شكرا جدا لذوقك يا روفان وإن شاء الله ربنا يوفقك في موضوعك ونحضر فرحك قريب