غزة
صوّت من أجل غزة
http://www.israel-vs-palestine.com/gz/
مش عارف أقول حاجة
اللي بيحصل واضح ومش محتاج كلام
مش عارف أعمل إيه
أفتح الجزيرة أتغم وحالتي النفسية تبوظ ومش عارف أعمل إيه بردو
كلمة قولتها زمان ولسة مقتنع بيها
مفيش حل سلمي مع أمريكا أو إسرائيل
والدليل إن شعوب العالم كله بيدين العدوان على غزة ومع ذلك إسرائيل مبطلتش
وحكام العالم محدش فكر يتحرك ويضرب إسرائيل
ومحدش هيوقفها أبدا
كلمة سمعتها من كام يوم
البلد اللي تحتل محدش يحررها غير أهلها
كلمة جامدة
بس للأسف حتى لما أهلها إتحركو إحنا اللي وقفنا ضدهم
للأسف طول الوقت بسمع كلام زي الزفت في الشارع المصري
الناس بتشتم في الفلسطينيين وبيقولو انهم يستاهلو
ينهار مش فايت
حتى في الموقف دة وبناكل في بعض !!
أنا مكنتش ناوي أكتب أكتر من اللينك اللي فوق دة بتاع التصويت بس معرفتش أمسك نفسي
وأنا كدة أساسا متكلمتش
بس بقول
أي حد في إيده حاجة يعرف يعملها يعملها وميستهونش بحجمها مهما كانت صغيرة
دعاء – تبرع مالي – تبرع بالدم – مقاطعة – نشر القضية للغرب – المساهمة بأي شكل من الأشكال زي الكتابة عن الموضوع على النت
أي حاجة ينفع تتعمل
مش هوصيكو تدخلو تصوتو لغزة على الموقع اللي فوق دة
لما تدخلو الموقع هتلاقو كل شئ واضح
كفاية مش قادر أتكلم تاني
