مين يتغير ؟؟
سؤال طرحته على نفسي في مرة لما لقيت الأخت زيزي عادل المطربة الجامدة واللي أنا عن نفسي بحب صوتها وأغانيها قوي .. بتقول في أغنية (وعد عليا)
مش قادر تصبر شوية وتحاول تانى تغير فيا
انا كنت صحيح عندية بس من جوايا حباك
فاكرها سهلة عليا القاك بقيت كده مش ليا
دى صعبة ومش حاجة عادية انى اعيش من غير هواك
وعد عليا اتغير بس عشان ارضيك
انا هتغير يمكن ترجع واحلى فى عنيك
انا من بعدك تاهت منى فرحتى بيك
ياحبيبى سامحنى خلاص
مش هاخد وقت كبير دى عيوبى ماهيش كتير
انا نفسى تشوفنى اوام زى ما حلمت عنيك
عجبتني الكلمات قوي لما ركزت فيها ولكن التركيز دة خلى السؤال دة ينطرح
ليه الست هي اللي المفروض انها تتغير علشان الراجل وليه العكس مش اللي يحصل ؟
ليه دايما لما واحد وواحدة يرتبطو أول حاجة يطلبها منها إنها تتغير علشانه
مع انهم ممكن يكونو عارفين بعض كأصحاب في الأول ومش بيكلمها على التغيير إنما أول ما الموضوع بقى علاقة وإرتباط وحب فبقى بيطالبها بالتغيير
حاولت ألاقي سبب للموضوع وبعدين ملقيتش
بس فيه عندي شبه إجابة .. وهي إن الراجل المفروض هو صاحب القوامة في الزواج .. والمفروض برضو ان العلاقة دي ينتج عنها زواج لو علاقة شريفة
إذن بما إن الراجل ليه القوامة فبالتالي مش هو اللي هيتغير إنما الطرف التاني هو اللي يتغير
والقوامة هي القيادة ودي متوفرة في الراجل بسبب مقومات طبيعية ربنا خلقها في الراجل مش موجودة في الست وناتج كمان عن خبرات الرجل اللي بيكتسبها في حياته أكتر من الست وكل الحاجات دي بتأهله للقيادة ومن ثم لو غير الحاجات اللي بتأهله للقيادة ساعتها هيتحول لشخص يقاد وليس يقود
الست بقى لأنها خرجت برة البيت فأصبح لها خبرات شوية وساعات بتبقى متعارضة مع خبرات الراجل .. ولكن لأن القيادة ليه هو فبالتالي لازم كلمة واحدة تمشي لأن المركب اللي فيها ريسين تغرق وبالتالي لازم هي اللي تتغير
وأنا مش أقصد بكلامي إن كلمة الراجل اللي تمشي إن الست ملهاش رأي وإنما أقصد الكلمة النهائية
إنما الست لازم تتشاور مع الراجل وتبدي رأيها وتقنعه .. والستات ليهم طرق رهيبة في إقناع الرجال بكل اللي عاوزينه
إذن خلاصة الموضوع إن القوامة (القيادة) للراجل وبالتالي مينفعش يغير نفسه ويتجرد من صفات القيادة وإنما لازم هي اللي تتغير وتمشي بدماغه
ولازم هنا نتكلم عن نقطة إنه لازم يتغير هو لو فيه صفات سلبية تتنافى مع صفات القائد زي عدم الجدية وعدم الإيجابية وعدم تحمل المسؤولية
والست لما تتغير مش تتغير للأوحش إنما للأحسن
دة رأي وأتمنى إنه يتفهم صح وأتمنى ألاقي نقاش جيد حوله
بص يا مصطفى الراجل دايما بيحب ان كلامه هو الى يمشى وده امر معترف بيه
ومن خلال خبرتى الصغيرة فى الجواز اقدر اقولك ان الستات ليها طابع خاص وعالم خاص الرجالة متعرفوش وبما انى مؤلف غلبان وبحب دراسة النفس البشرية الى معايا قدرت اوصل ان عالم السيدات عالم مبنى على اساسين
الاساس الاول : الاحساس دائما وابدا بحبك ليها
بمعنى اصح ان الست من غير حب زى البيت من غير اساس وحينما تشعر ولو بمجرد شعور بسيط انك مش مهتم بيها هتتحول الى كائن غريب وتبتدى تشعر ان فى حد تانى فى حياتك
والموضوع ده بالنسبالها ليه حلين
1- هتهتم بنفسها زيادة عن اللزوم وتحاول تظهر وتبرز جميع جماليتها وترجع اهتمامك بيها تانى
2- هتنغص عليك حياتك لحد ما هتخليك فعلا تعرف واحدة تانية
الاساس التاني : له شقين
الاول : ان اى انثى عندية جدا جدا جدا ” وعلشان توقفها عن عندها ليك ان تحسسها مجرد الاحساس انك هتهين كرامتها وهنا انا بتكلم عن الانثى المثقفة لان كرامتها شئ ملهوش حدود ومش هتقبل انك تجرحه فتختار انها تتراجع عن عندها مقابل كرامتها
الثانى : انها تشغل دمغها عليك ” ولو واحدة وقعت فى راجل عارف كويس قوى دمغها بيبقى شئ صعب عليها فتبتدى هى تركز كل مجهودها انها تستغلك فى لحظات الحب وهى دى اكتر لحظات بيكون الراجل فيها فى مركز ضعف مع الانثى وهى اكثر اللحظات الى ممكن تتمكن فيها الست من الراجل وبذلك هتاخد الى هى عيزاه لانك هتوعدها ولو منفذتش الى هى طلبته منك هتقولك انت وعدتنى
وبذلك يا عزيزى اقولك ان الانثى كائن له عالم خاص يجب ان تتعلم اين تجد مفاتيحه
اسف للتطويل
جااااااااااااااااامد يا خالد
كلامك مظبوط ومية مية
بس يا ترى دة معناه إن لازم أتجوز واحدة أكون بحبها ولا أقدر أعمل الكلام دة مع واحدة جاوز صالونات ؟
مع اى شخص وانا بالنسبالى اتجوزت جواز صالونات والحمد لله ناجح جدا فى حياتى الزوجية وقادر اسيطر على الموقف كليا مع احترام كلانا لشخصه
اغنية جميلة ماانت بتفهم اهو اصبر عليها يمكن تتغير
القوامة للراجل صحيح بس لازم يبقى فيه قرارات مشتركة ولازم الراجل يتنازل شوية ولازم يتغير مادام بيحب
أتمنى إن كل الستات يكونو عاقلين زيك يا سارة وفاهمين اللي بتقوليه
بس يا ترى انتي عارفة ايه هي أنواع القرارات اللي لازم الاتنين يشتركو في أخدها ؟؟