بداية أحب أرحب بكل الضيوف اللي دخلو موقعنا وبقولهم إني سعيد بثقتهم الغالية اللي جعلتهم يدخلوا المدونة ويقروا التدوينات اللي فيها

وأحب أدي تلميحات بسيطة

أولا : للتعليق على التدوينة هتلاقي كلمة (أضف تعليق) في حالة لو إن لسة محدش علق ولو ضغطت عليها هتدخل في وضع التعليق وأما لو فيه تلعيقات قبل كدة هتلاقي (3 تعليق) مثلا أو (8 تعليق) ودة حسب الردود الموجودة ولو ضغطت عليها بردو هتاخدك لمكان التعليق .. أو ممكن تدخل على صفحة التدوينة نفسها من خلال الضغط على عنوان التدوينة ولما تدخل الصفحة هتلاقي صندوق كتابة التعليقات موجود تحت التدوينة مباشرة

ثانياً : الأفكار اللي بعرضها على المدونة أفكار معظمها شخصية وحتى لو عامة فهي قابلة للخطأ ومش لازم تكون صح 100% .. ماهو مش قرآن يعني .. ومن ثم فهي قابلة للنقد والمناقشة .. وطبعاً أعني النقد البناء وليس النقد لمجرد النقد

ثالثاً : باب التسجيل في المدونة مفتوح لكل اللي عاوز يساهم في المدونة بمقالات من أفكاره هو مع إشتراط أنها لا تحتوي إهانات لأديان أو أشخاص … إلخ .. حرية التعبير موجودة طبعاً بس بمبدأ “أنت حر مالم تضر”

رابعاً : التواصل مع بعضنا شئ مهم .. بس مش معنا كدة إني هرفع الأرايل لشخص داخل مثلاً علشان يجيب إيميل بنات ولا حاجة .. ومن ثم .. فأي نقاش هيكون جوة المدونة فقط ..

في النهاية بتمنى للكل مشاركة جادة ومهيسة في نفس الوقت ونافعة ومش ضارة خالص وربنا يكرمنا وإياكم إن شاء الله

أخوكم
مصطفى سعيد